ایش وجمعیت چیلیک غاتناشیقلار وزیرلیگی نینگ آیتماغینا گوءرا افعان ایشگارلرینی یورتدن داشاری اوغراتماق اوچین گوءرشلر دوام ادیار واینگ تازه لیکده بیرمونگ اوچ یوز تازه ایش اورنی بارادا قطر شرکت لری بیلن عیلالاشیلدی.بو وزیرلیگینگ جوغاپکارلرنینگ آیتماغینا گوءرا،موندان اوءنگم ۷۰۰ ایش اورنی قطرده اوپجون ادیلیپدی وتازه عیلالاشیغینگ تکمیل بولماغی بیلن افغان ایشگارلری اوچین بویورتداکی تازه ایش اورونلارینگ سانی ایکی مونگدن هم آرتدی.ایش و جمعیت چیلیک غاتناشیقلار وزیرلیگی نینگ سوءزچیسی، سمیع الله ابراهیمی شیله دیدی:” ایش وجمعیتچیلیک غاتناشیقلار وزیرلیگی ایشگارلری بلله مک مقصدی بیلن یقین گونلرده،ایشگارلرینگ هایسی اوغورلاردا ایشه اوءکده لیگنی بارلاپ وقطر شرکت لرنینگ هایسی بوئلوملرده احتیاجی نینگ بارلیغنی پایلاشماغی ممکین”.بو یاغدایدا ، کابلداکی اقتصادیتی اربت بولوپ ایش اورونلاری یوقلیغی سباپلی غینانیان کابیر ایشگارلر بول آقغینی غوی غارشی آلیپ، یوئنه احتیاج کیشی لری وایشه اوءکده ایشگارلری اوءنگورتی گوءز اوءنگونده توتوپ آچ – آچانلیقدان ایش آلیپ یازغا گچیرمک لرینی و ایبرمک لرینی ایسته دیلر.ایشگار مهدی شیله دیدی :” بو ل آقغینینگ آچ- آچان بولماغنی ایسلیاریس. منینگ خود اوءزوم گچن گزه ک اماراتا گیتملی دیم اما بول آقغین آچ – اچان بولمانسونگ شرکتینگ ویا بول ایشی آلیپ باریانلار ینگ اوءز یقینلارنی اوغرادان لیغنی سونگ بیلیپ غالدیم”.ایشگار نیک محمد آیدیار:” حاضر بوتایدا ایش یوق اگرده بیزی ایشلماگا اوغراتسالار غوی بولار وبیز اوءز ماشغالامیزا کمک ادیپ بیلریس”.ایش بیلر لربول ایشی غولداماق بیلن ایشگارلری یورتدن داشاری اوغراتماقلیغینگ ایشسیزلیک باراداقی کابیر قینچیلیقلاری کملدر دیییپ بلله یارلر.اقتصادی مسئله لردن باشی چیقیان میر شاکر یعقوبی:”ایش ممکین چیلیک لرینی دوءرتمک باراداقی ایشگارلرینگ یورتدن داشاری اوغرادیلماغی مهم حسابلانیار وافعان ایشگارلر اوچین تخنیکی وهنار تایدان ایش اوءرنمکلرینه یاردام ادر وینه بیر تاراپدانام ایشگارلر اوچین دورنوقلی چشمه دوءراپ وبول اوغوردان ماشغالالارنی غولداپ واکلاپ بیلرلر”.افغان ایشگارلرینی ایش اوچین باشغا یورتلره اوغراتماغا چمه لشمک مسئله سی شیله بیر زماندا ادیلیپ باشلاندی که افغانستاندا ایشسیزلیک درجه سی بیرلشن ملتلر غوراماسی نینگ ایزیگیدرلی حسابتی اساسیندا انتگم کوءپلیار وایش بیلرلر همیشه طالب لار تاراپیندان ایش اورونلاری دوءرتمک اوچین چینلاقای برنامه لاری یولا سالماغی نیغتایارلار.
