تاپی تاسلاماسی افغانستاندا مهم تاسلامالارینگ بیری ، حاضرکی وقتدا بوتاسلامانی تکمیل اتمک اوچین طالبلار کان آلادا ادیارلر.

افغانستان دا تاپی تاسلاماسی نینگ اوءنگه گیدیشی؛۸ کیلومتر توربا گچیر یجی غورولوپدیر.تاپی تاسلاماسی افغانستاندا مهم تاسلامالارینگ بیری ، حاضرکی وقتدا بوتاسلامانی تکمیل اتمک اوچین طالبلار کان آلادا ادیارلر.افغانستانی طالبلار آلانلاریندان سونگ تاپی تاسلاماسی ایکینجی اولی تاسلاما حسابلانیپ اونونگ اوستونده ایشلنیار.تاپی ترکمنستانینگ گازینی پاکستان وهنده گچیریار وافغانستانا دام ییلدا ۴۰۰ میلیون دالر ترانزیت حقی اوچین گیردجی بر یار.معدنلر وپترولیم وزیرلیگی نینگ سوءزچیسی همایون افغانینگ آیتماغناگوءرا بوتاسلامانینگ غورلوشیغی افغانستاندا ۸ کیلومتر اوءنگه گیدیپدیر.بووزیرلیگینگ سوءزچیسی سوو وهوا شرطلرنینگ آمدلی بولماغی بیلن، بو تاسلامانینگ غورلوشیغی نینگ پروسه سی نینگ چالتلانماغی نینگ ممکین لیگنی بلله یار.همایون افغان بوحقدا شیله دییار:” شو چقاچنلی تاپی گاز گچیریجی تاسلاماسی نینگ ۱۷.۴ کیلومتری تکمیل ادیلیپدیر.شیله هم،۱۰.۲ کیلومتر گازگچیریجی توربالار یرلره التیلن،۹.۲ کیلومتر یر اونی چکمک اوچین تکیزلنن و سکیز کیلومتر توربا کبشیرلنیب یرینه غویولان”.شیله هم معدنلر وپترولیم وزیرلیگی نینگ سوءزچیسی حاضرینگ اوءزونده تاپی تاسلاماسینی یرینه یتیرمک اوچین هیچ هیلی قینچیلیق یوقدیغنی وآلیپ باریجی اولکه لرم اونونگ بلله نن وقتیندا عمله آشیریلماغینا بورچلی دیقلارینی نیغتایار.کابیر اقتصادی مسئله لردن باشی چیقیانلار تاپی تاسلاماسیندان پیدالانماغینگ افغانستان اوچین اوءران مهملیگنی آیدیارلار.اقتصادیت مسئله لردن باشی چیقیان عبدالشکور هده وال شیله دییار:” بوتاسلاما افعانستان اوچین دینگه مالی تایدان پیدا برمان، ایسم اونونگ غوتارنیقلی عمله آشیریلماغی بیلن ، گازینگ بهاسی کمه لیپ وایلات اوندان کان پیدالانار”.اقثصادیت مسئله لر بیلیمداری محمد آصف ستانکزی شیله دیدی :” موندان داشاری ، تاپی تاسلاماسی بیلن بیرلیکده فایبر نوری ودمیریول هم غورولیپ تازه تکنالوژی یوردومیزه اورناشار وشیدیبم ایش فرصتلاری کوءپه لر”.آیتماغمیز گرک کی تاپی تاسلاماسی یکه اوءزی بولمان ، بلکه افغانستانینگ اوستوندن ترکمنستانینگ ۵۰۰ کیلوولت برقی نینگ پاکستانه چکیلمگی،فایبر نوری کیبل لری ودمیر یولو نینگ بو تاسلاما بیلن بیرلیکده غورولماغی یالی باشغا تاسلامالار هم گوءز اوءنگونده توتولیار.