تالقان دا بییک بنالاری غورماق اوچین مایه غویوملارینگ کوءپلمگیتخارینگ شهر غورلوشیق و جای ریاستی سونگقی اوچ ییلدا، بو ولایتینگ مرکزی تالقان شهرینده، بییک بنالار غورولماق بوئلوم لرده و جای غورماق اوغروندا مایه غویوملارینگ دویپلی یوقاریلانماغی نینگ شایادی بولاندیغنی آیدیار.جوغاپکارلر ، تاجر لرو مایه غویومچیلار، ملیونلارچا دالری بول اوغوردا مایه غویاندیقلارینی آیدیارلار .محمد حنیف مختار تخارینگ شهر وجای غورلوشیق رئیسی بوحقدا شیله دییار:” کوءپ سانلی تاجرلر بوءیله کی ولایتلاردان تخاردا مایه غویوملاری یولا سالماق اوچین وبییک بنالاری غورماغا غیزیقلانیارلار. بیز اولارینگ ایشلرینه گوءزگچیلیک ادیاریس وایشلر غوی اوءنگه گیدیار”.غورلوشیق اوغرونداقی مایه غویوملارینگ کوءپلمگی بیلن بیرزماندا،تخارداکی گله شیک غوللانما بوئلوملری ، تالقان شهری نینگ درلی بوئلوملرینده یر وملکینگ بهالارنینگ ناچه اسسه یوقاری غالاندیغنی آیدیارلار.عبدالسمیع مجروح بوبوئلوملرینگ بیری نینگ باشلیغی:” ملک لری ساتین آلماقلیغا کان آغرام سالینیار وخلق بو بوئلومده مایه غویماقلیغا غیزیقلانیارلار” دییپ بلله یار.تخارینگ کابیر یاشایجیلاری شهرینگ گینگه مگینی غارشی آلماق بیلن،شهر وجای غورلوشیق جوغاپکارلریندن بنالاری غورماقدا مهندسلیک اصول لارینا ایه ریپ چینلاقای گوءزگچیلیک اتمکلرینی ایسلیارلر.تخارینگ تاجری قدرت الله هیکل زاده بوبارادا شیله دییار:”وطن پاراخات بولان ، داشاریداقی تاجرلریمیز ایزینا گلیپدیرلر، اولار یورتده مایه غویوملاری یولا سالیپ خذمت اتمک ایسلیارلر”.حمیدالله تخارینگ یاشایجیسی هم غوشوپ آیدیار:”غوی ممکینچیلیک لر اوپجون ادیلن وخلق اوچین مناسب ایش فرصتلاری اورتا گتیریلیپدیر”.تالقان شهری،مناسیب هوالی وسوولی ، دوزگونلی شهر نقشه لی، برقلی وسوولی شهر بولانسونگ ،یوردونگ دمیرغازیق گون دوغار سبیتینده ” شهرلر گلینی” دییلیپ تانالان وگینگه مک واوءسمک اوچین اولی پوتنسیاله ایه دیر .
