خلقارا انه دیل گونی مناسبتلی ،تورکمن دیلی نینگ ایلکینجی بایرامچیلیغی گنبد کاووس ده

خلقارا انه دیل گونی مناسبتلی ،تورکمن دیلی نینگ ایلکینجی بایرامچیلیغی گنبد کاووس ده خلقارا انه دیل گونی مناسبتلی، تورکمن دیلی نینگ ایلکینجی بایرامچیلیغی ایرانینگ گلستان ولایتی نینگ گنبد کاووس شهرینده گچیریلدی. بو بایرامچیلیق تورکمن دیلی نینگ ومدنیتی نینگ غوراپ ساقلانماغی ورواچلانماغی مقصدلاربیلن تورکمن شاعرلارنینگ وهنارمنلرنینگ غاتناشماغیندا گچیریلدی.” تورکمن دیلی بایرامچیلیعی تورکمن مدنیتینه غیزیقلانیان کوءپ سانلی ایلاتینگ غاتناشماغی بیلن کنبد کاووسینگ مدنیت واسلامی ارشاد آتلی سالونیندا گچیریلدی. بو بایرامچیلیق درلی برنامه لارینگ عمله آشیریلماغی وشوساندا تورکمن آیدیم – سازی، شعر اوقاماق ومدنی چیقیشلار ارقالی یرینه یتیریلدی”.”تورکمن آیدیم- سازی نینگ یرینه یتیریلمگی بو بایرامچیلیغینگ غیزیقلی بوئلوملری نینگ بیری بولدی. تورکمن باغشی لاری خلق آیدیملارینی وسازلارنی یرینه یتیرمک بیلن، گلن لرینگ‌کوءنگلونی گوءتردیلر و اولار اوچین شادلیقلی و یاتدان چیقماجاق خاطیره لاری دوءرتدیلر”.سارلی آدینداقی غورامانینگ باشلیغی دوکتور ارازمحمد سارلی شیله دییار:” بو بیرامچیلیغی غورناماقدان مقصدیمیز، تورکمن دیلینی ومدنیتینی غوراپ ساقلاماق ورواچلاندیرماقدان عبارتدیر. بیز امید ادیاریس که شیله ییغناقلاری غورناماق بیلن، دیل ومدنیتیمزی غوراپ ساقلاماغا کمک ادرلر یالی تازه نسل لریمیز اوءزمدنیت وبارلیقلاری بیلن تانیشسالار”.” بو بایرامچیلیق ایلاتینگ وتورکمن مدنیتینه غیزیقلانیانلارینگ غارشی آلماقلاری بیلن بیله لیکه گچیریلیپ و انه دیل لرینگ غوراپ ساقلانماغی نینگ ورواچلانماغی نینگ اهمیتینی گوءکزیان دابارا بولدی.شیله ییغناقلارینگ غورنالماغی ، تورکمن دیلی ومدنیتی نینگ دیری وهمیشه لیک غالماغنا یاردام ادر دیین امیدیمیز بار”.”خلقارا انه دیل گونی مناسبتلی تورکمن دیلی نینگ گنبد کاووسده گچیریلن ایلکینجی بایرامچیلیغیندان برجک حسابتمیز شولاردان عبارتدی. ایندیکی برنامه لاریمیزدا یرلی دیل لر ومدنیتلربیلن باغلانشیقلی موضیقلارا صین ادرمیز یالی، بیزدن آیریلمانگ.”.