گچن دوءرونگ سونگی، تازه فصلینگ باشلانغیجی: عراقچی نینگ کابله بیرگونلیک سفری
ایرانینگ داشاری ایشلر وزیری سید عباس عراقچی نینگ کابله بولان سفری یکشنبه گونی ساعت اون دا تمام بولدی.
ایرانینگ داشاری ایشلر وزیری بو سفری نینگ دوامیندا افغان دنگدشی امیرخان متقی، یوردونگ باش وزیری وغورانماق وزیری بیلن گوروشدی.
بوسفرینگ عمومی دیپلوماسی اوغری هم باردی.
عراقچی جنابلاری کابلینگ تازه شهرینده بازارلارا آیلانیپ اوغانستانینگ غوری میوه لرنی تماشا اتدی واینگ سونگوندا یولداشلاری بیلن بیرچایخانه دا چای ایچدی.
بو ایرانینگ داشاری ایشلر وزیری نینگ ۲۰۲۱ دن باری گچیشلردن سونگ بیرینجی سفری. مونونگ اوءزی اسلامی جمهوریتینگ اوغانستانداقی یاغدایی اوچ یاریم ییلینگ دوامیندا دولی وچونگور گوءزدن گچیریپ ایکی یوردونگ غاتناشیقلارنی نورمال لاشدیرماق ایسلیان لیگنی علامتلاندیریار.
عراقچی جنابلاری بوسفرینگ مقصدینی
” ایکی تاراپلایین تازه یولونگ وتازه بیر فصلینگ باشلانغیجی” دییپ بلله دی.
ایران غونگشیسی وایکی یوردونگ کان غوشانتلاری بار.اوغانستان تاراپی بو یورت بیلن اونگین غاتناشیق اتماگا غیزیقلانیار وبو سفردان ایکی تاراپینگ غاتناشیقلارنینگ تازه بیردرجا گیرمگینی امید ادیار.
بوگونکی دوشوشیقلاردا کوءپراک ایکی تاراپلایین غاتناشیقلارینگ گینگلمگی،ایکی یوردونگ آراسینداقی آیلانشیقلارینگ موچبری نینگ کوءپلمگی،آراچاک لرینگ خوفسیزلیغی نینگ اوپجون ادیلمگی، بوسغونلار مسئله لری وعلیحده دام بوسغونلارینگ آبرایلی عزتلی دولانماغی وسوو مسئله لری گوررونگ ادیلدی.
غاتناشیقلارینگ یایبانگلانماغی،آیلانشیقلارینگ کوءپلمگی ، آراچاکلرینگ خوفسیزلیغی نینگ اوپجون ادیلمگی مسئله لرینه غاراماقدا اونچاقلی تفاوت یوقدی. بوسغونلار مسئله سی واولارینگ ایزینا دولانماغی حقدا ایکی تاراپ شاریکلی ایش آلیپ بارماغی عیلالاشدیلار.ایران تاراپینگ سوءزبرمگینه گوءرا” عزتلی” دولانیش واوغان تاراپینگ سوءز برمگینه لایقلیقدا”کم کمدن ” اوپجون ادیلملی بولدی.
شیله هم سوومسئله سینده، اوغان تاراپینگ اهلی رسمی لری ایران تاراپینا سوونگ کسیلمجگی بارادا واوتاراپداقی یاشایجیلارینی دوغانلارمیز دییپ ایناندیردیلار.
طالبلارینگ باش وزیری” حتتا هلمند سوونینگ شرطنامه سی بولمان یاغدایدا، بیز چاگینگ اویوزونداکی خلقلارا سوونگ آقماسینی انکار ادمیاریس. اولار بیزینگ مسلمان دوغانلارمیز وآدم آخیری، نامه اوچین سوودان محروم بولسونلار”.
رسمی گپلشیکلرینگ غاپدالیندا، عراقچی جنابلارنی بیر توپار ایران تاجرلری یولداشلیق ادنسونگ سفرینگ سونگوندا اوغانستانینگ سودا اوتاغی نینگ غورناماغیندا ایکی یوردونگ تاجرلرنینگ شاریکلی اوتورشیغی بولدی.
اوغانستانینگ سونغات وتاجرچیلیک وزیر ی وایرانینگ داشاری ایشلر وزیری نینگ یولباشچی لیغیندا گچیریلن بو دوشوشیقدا ایکی تاراپینگ تاجرلری غاتناشیپ، تجارتینگ کوءپلمگی نینگ عملی یول لاری، ترانزیت ومایه غویوملار بارادا عملی باثلشیکلر گچیریلدی.
بوسفر ایکی تاراپلایین غاتناشیقلارینگ یایبانگلانماغی وخدمتداشلیغینگ گینگه مگی بارادا سوءز برمک بیلن تماملاندی. بقالینگ ایکی تاراپ بو سفری هایسی درجه ده”تازه یول و تازه فصله” یادا” تازه تاپغیرا” اوورولیپ بیلرلر؟