ناساغلارینی درمان اوچین فیض آبادا گتیرن بدخشان پامیری نینگ بیرناچه یاشایجیلاری ایکی سانی چاغالارنینگ هوا سووقلیغیندان حیاتینی الدن برندیگنی گوررونگ بریارلر.پامیر یاشایجیلاری کان قینچیلیقلار بیلن غارشیلاشیانلیقلارنی آیدیپ جوغاپکارلرینگ بو قینچیلیقلارا سر اتمک لرینی ایسته یاررلر.واحد آدلی بیریاشایجی:” بیزینگ چاغامیز سووقلاما اساسیندا آرادان چیقدی. اوتاغمیز سووق وپولومیز بولمانسونگ اودون آلیپ بیلمدیک. شووقت چاغالارمینگ انه سی هم کسل. غونگشی میزینگام چاغاسی آرادان چیقدی” دییپ زیرنیار.واحدینگ عیالی گل پری هم:” من یاراموق وبجرگی آلماغادا پولومیز یوق. اوغلوم هم اوءلدی” دییار.بوپامیرلی لار حاضرلیکچه استخبارات ریاستی نینگ فیض آباد شهرینده کره یینه آلان میخمانخانه سیندا یاشایارلارو گوءزگچی حکومتیتنگ جوغاپکارلریندن قینچیلیقلارینی چوءزمک لرینی ایسته یارلر.پامیرینگ ینه بیر یاشایجیسی اسرائیل:” بویرا کسل لرمیزی گتیردیک. قینچیلیغمیز اوءران کان. گونده کسل لرمیزی شفاخانا آلیپ گیدیاریس وبجرماگا پولومیز یوق” دییار.شونگا منگزش عبدالوحید آدلی پامیرینگ ینه بیر یاشایجیسی آیدیپدیر:” امارت اسلامی بیزه خرید گتیریپدیر، اما یترلیک دال. بیزه کوءپراک کمک اتمکلرینی خواهش ادیاریس”.امابدخشان ولایتی نینگ سرحد لار، قوملار وطایفه لار ریاستی پامیر خلقینا گرکلی یارداملارینگ ادیلندیگیندن خبر بریار.ذبیح الله مجاهد بدخشان ولایتی نینگ سرحدلار ، قوملار وطایفه لار ریاستی نینگ باشلیغی:” بیز سرحد یاقا قوملار اوچین امیرالمؤمنین نینگ مهربانلیغیندان پیدالانیپ یوریته بیر میخمانخانانینگ امرینی آلدیق وسرحدلار وزیر لیگی نینگ گنگشچیسی هم شو مسئله حقدا بدخشانا گلیپدیر “، دییپ عیان ادیار.بدخشان ولایتی نینگ سرحدلار، قوملار وطایفه لار ریاستی نینگ برن معلوماتینا گوءرا، شووقت اللی دن غوورراق پامیرلی عیال ، ارکک وچاغا بوریاستینگ فیض آباد داقی مبخمانخانا سیندا یاشایاندیقلاری آیدیلیار.
