کابلینگ کابیر یاشایجیلاری پایتخت بازارلاریندا کهنه لن بانکنوت لارینگ آیلاوی کوء په لیپ ومشتری بیلن ساتیجی لارینگ آراسیندا دعوا توروزیانلیغنی آیدیارلار.

کابلینگ کابیر یاشایجیلاری پایتخت بازارلاریندا کهنه لن بانکنوت لارینگ آیلاوی کوء په لیپ ومشتری بیلن ساتیجی لارینگ آراسیندا دعوا توروزیانلیغنی آیدیارلار.ینه بیر تاراپدان طالب لارینگ دولاندیریان مرکز بانکی اکس جمعیت چیلیک توریندا ایلاتدان پول لاری ییرتیلیپ کونلمز یالی آلو وساتولارنی “اف پی ” کارتی نینگ اوستی بیلن اتمک لرنی خواهش ادیپدیر.کان زمانلار کابلده دکانی بولان واوی خرجاتلارینی بویولدان اوپجون ادیان محمدعلی آیدیارکی بانکنوت لارینگ خاصام اون ویوز اوغانی لیقلارینگ حددان آشا کهنلمگی ایشینی قینالدانپولینگ کهنلمگی سباپلی مشتری لر بیلن دارتغینلیق ودعوا توریار.محمد علی دکاندار آیدیار:” باش مونگ باش یاریم مونگ کهنه پولوم بار. مشتری گلن زمانی غالان پولینی کهنه میده پولدان بر سم قبول ادمیار.شو دلیل دن هم بیزینگ یوردومیزدا تازه پولینگ یوقلیغی، قینچیلیقلاری کوءپلدیار”.اولکانینگ کابیر رعیتلاری طالب لاری خاصام طالبلارینگ دولاندیریان مرکز بانکینی کهنه بانکنوت لاری بازارلاردان جمعلماگا انس برمیانلیک لری اوچین تنقیدلایارلار.کابیر رعیتلارینگ آیتماغنا گوءرا کهنه بانکنوتلارینگ بارلیغی گونده لیک آلو ساتو لاردا کان قینچیلیقلار دوءرتیارمیش .کابلینگ یاشایجیسی نوروز علی امیری شیله دییار:” غینانساغام اوغانستاندا بیر پولی آله الان وقتیمیز بهالی بیر پول آله آلاندیریس اویدیپ فکر ادمیاریس یعنی بهاسیز بیر پول الیمیزده دیر اوءیدیاریس. شو سباپدنم کان قینچیلیقلار بیلن غارشی لاشیاریس. ییرتیق ، یولوق پولی هیچکیم آلاسی گلمیار”.کابلینگ ینه بیر یاشایجیسی شیله دییار:” دوغرودانام بو کهنه پول لار قینچیلیغی کوءپلتیار.گوءزگچی حکومت(طالبلاردان) کهنه وخراب بولان پول لاری جمعلاپ هرنا چالتلیقدا خلقینگ بو قینچیلیغنی اورتادان گوءترسه دییپ خواهش ادیاریس. بازاردا هرکیم بیر ذات آلجاق بولان زمانی کهنه پوله هیچکیم اهمیت برمان اونی آلماقدان یوز اوءوریارلر.”.طالبلارینگ دولانشیغینداقی مرکزبانکی اوستومیزداکی میلادی آیینگ دوامیندا ۸۴۰ میلیون کهنه لن بانکنوتلاری الو وساتولاری انگساتلاتماق مقصدی بیلن یاقانلیقلارنی خبر بریار. یوئنه اونونگ یرینه تازه بانکنوتلارینگ غویولاندیغیندان هیچ ذات دییلمیار.۱۴۰۱ هجری ییلینگ عقرب آییندا، امریکادا یاشاپ یوءرن مرکزبانکینگ یوقاری گنگشی نینگ اغضاسی شاه محمد محرابی، اون میلیارد اوغانا دنگ گلیان ۳۹۰ میلیون بانکنوتینگ اوبرتور فیدیوشیری آدلی فرانسوی بیر شرکتینگ تاراپیندان چاپ ادیلندیگنی آیدیپدیر.