بوهم پاکستانینگ هوایی هجومی لارنینگ نشانه سی بولان بوءلک لرینگ بیری پکتیا ولایتی نینگ برمل اولسواللیغی نینگ بیر اوباسی، پاکستان حکومتی تی تی پی هجوم اتدی دییار اما طالب لار ینگ آیدیشلارینا گوءرا بویرده تی تی پی نینگ هیچ بیر اغضاسی بولمان وزیرستانینگ حربی دال کیشی لری نشانا آلینیپدیر.آیدیلشینا گوءرا بویرده کابیرلری اون دان غوورراق ماشغالا اغضالارنی پاکستانینگ هوایی هجومی نینگ نتیجه سینده الدن بریپدیر. اولارینگ آراسیندا عیال لار وچاغالارهم بارمیش.پاکستانینگ هوایی هجومی نینگ ایزیندان طالبلار جمعه وشنبه گونلری پکتیانینگ دند پتان دییلیان یرینده پاکستانینگ حربی لاری بیلن چاقنیشیپدیرلار واینگ سونگقی چاقنیشیق دوین بولوپدیر. طالبلار پاکستانه بوهجومینگ عوضینی دولدورماق مقصدی بیلن هجوم ادندیکلرینی آیدیارلار. پاکستان حربی لاریندان وطالبلاردان هم اوءلن ییتن بار، اما هنیزه چنلی رسمی یاغدایدا ایکی تاراپ هم سانینی اعلان ادن دال.شیله هم روسیانینگ داشاری ایشلر وزیرلیگی پاکستان بیلن اوغانستان آراچاگینداکی چاقنیشیقلارینگ گویجه یاندیگبندن خواتیرلانیانلیغنی آیدیار.اول یرده دینگه حربی لار اوءلمان، بلکه حربی دال انسانلارام جانلارنی الدن بریاریارلر.بیز تاراپ لاردان بو مسئلانی چوءزمک بارادا اوزآرا گرلشیپ ایلالاشماقلارینی خواهش ادیاریس دییپ روس لار آیدیار.شو وقته چنلی باشغا هیچ بیردولت طالبلارینگ واسلام آبادینگ آراسینداقی دارتغینلیق بارادا غارشیلیق گوءرکزن دال. ینه بیر تاراپدان آصف دورانی اوغانستان اوچین پاکستانینگ اوءنگ کی وکیلی سونگقی چاقنیشیقلاری اوغانستانداقی طالب دوغانلاریمیزا یاتدان چیقماجاق ساپاق دییپ بلله یار. تی تی پی غیزیل چیزیق وهیچکیم اوندان گچماگا حقلی دال دییپ اسلام آباد آیدیار.طالب لار پاکستان تاراپیندان یوغالانلارینگ سانینی رسمی تایدان عیال اوغلان اوشاق بیلن بیرلیکده ۴۶ کیشی دییارلر ، یوئنه پاکستانینگ خبر بریش سریشته لری یتمیش دن غوورراق غوزغالانگچیلارینگ اوءلدورولندیگنی خبر بریار .بول آرادا پاکستانینگ باش وزیری اوغانستان توپراغنی تی تی پی تاراپیندان اولانیلجاقدیغنا رخصت بریلمجگنی نیغتایار . اونونگ غارشی سیندا طالبلار پاکستانینگ بو چوزوشینی یاتدان چیقارمیارلار.
