بلخ ولایتی نینگ چاربولک اولسوال لیغی نینگ درلی اوبالارنینگ کابیر یاشیجیلاری اوبالاریندا ساغدین آغیز سوونینگ یتمزچیلیگیندن شکایت ادیارلار وبوقینچیلیغینگ چوءزولمگینی ایستیارلر.

بلخ ولایتی نینگ چاربولک اولسوال لیغی نینگ درلی اوبالارنینگ کابیر یاشیجیلاری اوبالاریندا ساغدین آغیز سوونینگ یتمزچیلیگیندن شکایت ادیارلار وبوقینچیلیغینگ چوءزولمگینی ایستیارلر.بواولسوال لیغینگ یاشیجیلاری ، غورغانچیلیق سبابلی ساغدین آغیز سوولاری بولمانسونگ ، مجبوری یاغدایدا بیر ناچه کیلومتر آرالیغی گچیپ گره کلی آغیز سوونی حوضلاردان اوپجون اتملی بولیاندیقلارنی آیدیارلار.بو آرالیقدا،بلخینگ یرلی جوغاپکارلری هم بو قینچیلیغی دوغری دییپ واونونگ چوءزولمگینی نیغتایارلار.چهاربولک اولسوال لیغینگ نوارداورناغی اوباسی نینگ یاشایجیسی پژواک خبربریجی سریشته سینه آیدیشینا گوءرا بول اوبادا ۸۰۰ توه رگی ماشغالا یاشایارمیش واهلی ایلات آغیزسوونینگ ال یتر دالدیگیندن قینچیلیقلارا دوچارمیش.اول بول اوبادا ناچه حوضینگ بارلیغنی وبو حوضلاردا یاغیش سووینی ساقلاپ سونگرا ایچمک اوچین اولانیاریس دییپ سوزونینگ اوستونی یتریار.اول آیتیار:” اوبا داقی حوضلارا غوم،خپه ذاتلار وحتتا حیوانلار دشیار، یوئنه چارامیز یوق بولوپ شول سووی ایچیاریس وشوسبابدنم اوبانینگ ایلاتی ساغلیق باراداقی قینچیلیقلارا دوچار بولیارلار .عبدالرحیم گوءزگچی حکومتدان بو قینچیلیقلاری چوءز مگی ایسته دی.اسدالله، بو اولسوال لیغینگ کوره چی اوباسیندان بیری شکایت اتمک بیلن بو اولسوال لیغینگ کوءپیلنچ خلقی نینگ آل یتر ساغدین سوونینگ یوقلیغنی وموترسیکل لر بیلن بیرناچه کیلومتر اوزاقلاردان سوو گتیریاندیکلرینی عیان اتدی.شیله هم اسدالله یولونگ خرابلیغنی وساغلیغی غوراییش خذمتلارینگام بواولسوال لیقدا اینگ اساسی قینچیلیق حسابلاپ حکومتدان سوو یتمزچیلیگنی ایلری توتولیان اوغور بیلمگینی ایسته دی.نورمحمد، بو اولسوال لیغینگ عیسی خیل اوباسیندان ، اوبالاریندا چاربولگینگ بویله کی اوبالاری یالی آغیزسوونگ آل یتر دالدیگنی بلله دی.شیله هم نورمحمد بلخ ولایتی نینگ بویله کی اولسواللیقلاریندا آغیز سوو شبکه لری نینگ غورولاندیغنی، اما اولارا انس بریلمیانلیگنی بللاپ، حکومتدان بو قینچیلیعی چوءز مگی ایسته دی.ینه بیریاندان،غلام دستگیر جلالی چاربولگیمگ اولسو الی بو قینچیلیغی قبول ادیپ چوءزولمگینی نیغتادی.اول آیدیار: ” چاربولگینگ ۱۷۲ اوباسیندا ۱۲۰ مونگ توه رگی خلق یاشایار واولاردان دینگه بیر ناچه اوبادا سوو اوپجونچیلیک اولغامی غورولان بولایماسا ، غالان یوزده توغسانی سوو غیتچیلیغنا دوچار دیردییپ بلله یار. اول اولسواللیغینگ یاشیجیلارینا حکومتینگ اورشدان زیان چکن سبیتلره خدمت ادیپ وچالتلیقدا بو قینچیلیقلاری چوءز جکدیگنی کپیللندیریار. ینه بیر بلله ملی ذات بو دور کی چاربولک اولسواللیغیندان باشغادا چمتال،دولت آباد، چهارکنت، شولگره، مارمل، بلخ اولسواللیقلارنینگ ایلاتلاری اوچین هم ساغدین آغیز سووی آل یتر دالدیر.