«گؤچرمن کوچی‌لر» جوزجان ولأیتینینگ شبرغان شهرینده بیر تۆرکمن یاش‌اولوسینا هجوم اتدی.آماج نیوز پایلایشین ویدیو-سینا گؤرأ، بیر چاروا «کوچی» اؤنگ «پیل» و سونگوندا هم «یاراغ» بیلن شبرغان شهرنینگ پول‌خراسان کمربندینده «موخی تورکمن» آتلی اتنیک تۆرکمن یاش‌اولوسینا «یرینی اییه‌لمک» اۆچین هجوم اده‌ن‌لیگی و کمسیدن‌لیگی گؤرکزیلیور.بیر چشمه، بو تۆرکمن یاش اولوسی‌نینگ، جوزجان ولأیتینینگ شبرغان شهرینینگ پول‌خراسان سبیتی‌نینگ «آچیق‌بای» اوباسیندان‌لیغینی سؤزلرینینگ اۆستۆنه غوشدی.بو چشمه، هجومچی‌نینگ اسلام امیرلیگی یا-دا طالبان طرفیندان جوزجان ولأیتینه گؤچۆرلیپ گتیرلن «گؤچرمن کوچیلرینگ» بیریلیگینی آیتیور.بو، تۆرکمنلرینگ اۆستۆنه ادیلن ایلکینجی هجوم یا-دا جبر دأل.موندان اوزال هم اۆچ گزه‌ک بولار یانی واقعه یۆز بریپ‌تی.فاریاب ولایتی‌نینگ دولت‌آباد اولوسوال‌لیغیندا، قندز ولایتی‌نینگ قلعه‌ذال اولوسوال‌لیغیندا و اندخوی اولوسوال‌لیغیندا، یرلی تۆرکمنلرینگ اۆستۆنه «کوچی‌لر» طرفیندان هجوم ادیلدی و اوروشیلدی.1402-ینجی ییلینگ 27-ینجی حمل آییندا؛ فاریاب ولایتی‌نینگ دولت‌آباد اولوسوال‌لیغینینگ، قریش اوباسیندا یاشایون تۆرکمنلر، اکرانچیلیق یرلرینده و اؤری میدانلاریندا «کوچی‌لر» سبأپلی طالبان طرفیندان رحمسیزلیک بیلن اورولیپ و ینجیلیپ‌تیلر. بو گزه‌ک جوزجان ولایتی‌نینگ شبرغان شهرینده یؤنکه‌ی خلقا هجوم ادیلدی و جنایتی ایشلأنلر حکومت طرف‌دان هیچ هیلی جزالاندیریلمادی.ایشدشلرمیزینگ ایزیگیدرلی تاغاللالاری بیلن ینه-ده ولایت جوغاپکأرلریندن و رسمی‌لریندن بو بارادا معلومات یا بیر جوغاپ آلیپ بیلمه‌دیک….
