افغانستان اسلام امیرلیگی‌نینگ باش وزیری ملا محمدحسن آخوند، شۉ گۆن ایردن «تاپی» تاسلاماسېنېنگ آچېلېش داباراسېنا غاتناشماق اۆچین یوْقارې درجه‌لی بیر هیأتینگ یوْلباشچېلېغېندا تۆرکمنیستانېنگ سلیم‌چشمه سبیتینه گیتدی.باش وزیر ملا محمدحسن آخوند، تۆرکمنیستانېنگ ملی لیدری غۉربانغۉلې بردی‌محمدوْف بیلن «سلیم‌چشمه» سبیتینده دۉشۉشدې.بۉ یېغناقدا، ایکی طرف‌لایېن غاتناشېقلارې گینگه‌لدیش، ایکی یۉردۉنگ آراسېنداقې مهم اؤسۆش تاسلامالارېنې دۉرمۉشا گچیرمه‌گینگ أهیمیتی و افغان و تۆرکمن خلقی‌نېنگ آبادانچېلېغې و آسۉدالېغې بارادا فکر آلېشېلدې.باش‌وزیر ملاحسن آخوند، و غۉربانغۉلې بردی‌محمدوْف، «تاپی»نېنگ آچېلماغې و بؤیله‌کی ایری اقتصادې و اؤسۆش تاسلامالارې مناسبتلی گچیریلن دابارادا چېقېش اتدیلر.تۆرکمنیستانېنگ جمهور باشلېغې سردار بردی‌محمدوف، ویدیو کنفرانس آرقالې بۉ دابارا غاتناشجاقدېر.افغانستانېنگ هرات ولأیتینده «تاپی» تاسلاماسېنېنگ آچېلېشې اۆچین عمومی دېنچ آلېش اعلان ادیلدی.«تاپی» آدې بیلن تۆرکمنیستانېنگ گأز تۉرباسېنې، افغانستان آرقالې پأکیستانا و هندیستانا گچیریش تاسلاماسې بۉ یۉرتلارېنگ یوْلباشچېلارې طرفېندان 2018-ینجی یېلېنگ فبروری آیېندا آچېلدې؛ یؤنه یدی یېلدان بأری اؤنگه گیدیشلیک بوْلمادې.
افغانستانېنگ باش وزیری ملا محمدحسن آخوند، تۆرکمنیستانېنگ ملی لیدری غۉربانغۉلې بردی‌محمدوْف بیلن دۉشۉشدې.
Shares: