تورکیه‌نینگ جمهور باشلیغی رجب‌طیب أردوغان، فلسطینا حربی غوشون ایبه‌ریپ بیلجکلیگینی آیتدی.بلومبورگ خبرینا گؤرأ، تورکیه‌نینگ جمهور باشلیغی رجب‌طیب أردوغان، فلسطینی غولداپ و اسرائیلا دویدیریش بریپ، “اسرائیل، فلسطینا ظلم ادیپ بیلمز یالی غاتی گۆیچلی بولمالی‌دیریس، غارا باغا، نأهیلی؟ گیرن بولساق، لیبیا نأهیلی؟ گیرن بولساق، اسرائیلا هم مونی ادیپ بیله‌رس، بو بیزینگ ادیپ بیلمه‌جک زادیمیز دألدیر” -دییدی.أردوغان، 7-ینجی اسد یکشنبه گۆنی، غارا باغدا و لیبیا-دا بولوشی یالی، تورکیه‌نینگ “اسرائیلا هم گیریپ بیلجه‌گینی” آیتدی.اسرائیل مطبوعاتی بو سؤزلری حربی خوف دییپ حسابلادی.اسرائیلینگ داشاری ایشلر وزیری یسرائیل کاتز، أردوغانی عراغینگ آسیلیپ اؤلدۆرلن اؤنگکی جمهور باشلیغی صدام حسین بیلن دنگشدیردی و صدام‌ینگ اقبالینی یادلاتدی.مونگا جوغاپ ادیپ، تورکیه‌نینگ داشاری ایشلر وزیرلیگی، بنیامین نتانیاهو-نی ادولف هیتلر بیلن دنگشدیردی و “غیرغینچیلیق اده‌نلرینگ هممه‌سی اۆچین تاریخ غوتاردی” -دییدی.غزه سوواشی باشلانالی بأری تورکیه-اسرائیل غاتناشیقلاری دارتغینلاشدی، ایکی یورت هم، اؤز ایلچیلرینی یورتلارینا چاغیردی و سؤودا و اوچوش غاتناشیقلارینی دوروزدی.
تورکیه‌نینگ جمهور باشلیغی رجب‌طیب أردوغان، فلسطینا حربی غوشون ایبه‌ریپ بیلجکلیگینی آیتدی.
Shares: