چشمه‌لره گؤرا ایرانینگ یزد شهَریندأکی بوْسغۉنلار (مهاجرلر) شهَرچه‌سيندأکی یاشایان افغان بوْسغۉنلارېنېنگ (مهاجرلَرینگ) اؤيلری یرلی یاشایجی‌لار طرفیندان اؤدا بریلندیگینی خبر بریار.بو چشمه‌لره گؤرا یزد شهَرینینگ بیر بؤله‌ک یاشایجی‌لاری و افغانستان بوْسغۉنلارېنېنگ (مهاجرلرینگ) آراسینداقی داوا-جنجال‌دان سؤنگ افغان بوْسغۉنلارېنېنگ (مهاجرلرینگ) اؤيلرینی اؤدا بردیلر، بو داوا-جنجالینگ آراسیندا بیر ایران‌لی یَتگینجک اوغلان پیچاق بیلَن یارالاندی، و سؤنگ اؤلدی. بو شهَرده افغان رایَتلارینینگ نأچه اؤیونینگ اؤدا بریلندیگی إنتک بللی دأل، یؤنه صورات‌لار یانغین سؤندوروجی‌لرینگ یانغینی سؤندوریأن‌دیگینی گؤرکَزیار.ایران‌لی یتگینجک اوغلانی پیچاق بیلَن اؤلدورَن یاشلارینگ پولیس طرفیندان توسساغ ادیلندیگی آیدیلیار. اما ایران پولیسینگ شو وقتاچنلی بو بارادا هیچ ذات آیتمادی.
