اوغانستانینگ انقره داقی ایلچی خانه سی نینگ اختیارینی طالبلارا تابشیریلماغیاوغانستانینگ‌انقره داقی ایلچی خانه سی نینگ اعلان اتمگیندن سونگرا بو ایلچی خانانی ترکیا تابشیریلماغینا اساسلانیپ، طالبلارینگ داشاری ایشلر وزیرلیگی بو سفارت اوءز ایشینه دوام برر دییار.ذاکر جلالی داشاری ایشلر وزیرلیگی نینگ اوچونجی سیاسی باشلیغی، دیپلماتیک کادرلرده اویتگشمه لر گتیرمک عادتی بیر ذاتدیر دییار.جلالی جنابلاری بو حقدا :” ترکیانینگ پایتختی انقره داقی اوغانستانینگ ایلچی خانه سی، اونگکی بولوشی یالی ایشینه دوام بریپ رعیتلارا ومشتری لره خذمت ادر”دییپ نیغتایار.شول بیر وقتدا اقتصادیت وزیرلیگی نینگ مسلکی اورونباساری عبداللطیف نظری اوغانستانینگ انقره داقی ایلچی خانه سی نینگ اختیاری طالبلارا تابشیرلاندیغنی آیدیار.نظری جنابلاری شیله دییار:” اوغانستان بیلن ترکیانینگ غاتناشیقلاری سیاسی،اقتصادیت ،تاجرچیلیک ودیپلماتیک اوغورلاردا اونگه گیدیار ویایبانگلاشیار.انقره داقی اوغانستان ایلچی خانه سینداقی سونگقی آچیشیقلار، ایکی تاراپلایین غاتناشیقلارینگ موچبری نینگ غوی لاشماغینا سباپ بولار”.سلیم پیگیرسیاسی مسئله لرینگ بیلرمنی شیله دییار:” ایلچی خانه لار بیر تاراپا بولمالی دیرلار، یا طالبلارینگ وکیل لری ویا هم اوءنگ کی جمهوریتینگ وکیل لری. اوءنگکی جمهوریتینگ وکیل لری بیلن حکومتلار وهم طالبلار اونگوشمازلار شونونگ اوچین اینگ غویسی اهلی خلق وبوسغونلارا قونسوللیق خذمتلار ادیلر یالی طالبلارا بریلسه مناسیب وغوی ایش بولار”.گچن گون، اوغانستانینگ ترکیه داکی ایلچی خانه سی بیر خبرنامه دا آیدیپدیر، بوایلچی خانانینگ ایشلری تمام بولدی ورسمی یاغدایدا ترکیانینگ داشاری ایشلر وزیری لیگینه تابشیریلدی.اوغانستان ایلچی خانه سی نینگ خبرنامه سیندا شیله دییلیپدیر:” ایلچی خانه طالبلارینگ وکیلینه دال، ایسم ترکیانینگ داشاری ایشلر وزیرلیگینه تابشیریلدی وویانا کنوانسیونینا لایقلیقدا ، ایلچی خانه قبول ادیان یوردونگ اختیاریندا “.حمایت الله احمدی سیاسی مسئله لرینگ بیلرمنی شیله دییار:”داشاری یورتلرداکی اوغانستانینگ ایلچی خانه لاری اوغانستانینگ ملکی واوغانلار واوغان حکومتی داشاری یورتلرداکی ایلچی خانه لاریندان اوءز ایسلگ لرینه گوءرا پیدالانماغا حقلی دیرلار”.ترکیه یالی یورتلر بیلن دیپلماتیک غاتناشیقلارینگ خاصام حاضر کی شرطلرده یایبانگلانماغی،اوغانستان اوچین خلقارا خذمتداشلیقلاری گویچلندیرمک اوغوردا آردیلان مهم آردیم دیر.عزیز معارج اوءنگکی دییلومات آیدیار:”غونگشی وسبیت اولکه لری وخاصام ترکیه دولتی یالی اوغانستانینگ ایچرکی ایشلرینه غاریشمایان وهمیشه دوستلیقلی غاتناشیقدا بولوپ یاردام ادن دولت ،اوغانستان بارادا یاغشی نیتلی یورتلر بیلن دیپلوماتیک غاتناشیقلاری یولا سالماق اوغانستانی خلقارا آیری بیریرده دورماقدان غوتولدیریپ بیلر”.موندان اوءنگ،اوغانستانینگ ایلچی خانه لارنینگ ایشی لندن،ناروی،، سویدن ، هند وکانادا دا دوروزلیپدی وهنیزه چنلی اولار طالبلارا تابشیرلانوق.
