۲۱نجی فبروری خلقارا انه دیل گونی:افغانستاندا تورکمن دیلی وادبیاتی نینگ قینچیلیقلاری.بوگون ۲۱ نجی فبروری،خلقارا انه دیل گونی ، تورکمن دیلی نینگ افغانستان دا دوش گلیان قینچیلیقلارینا وآلنیندا غویولیان به ودلره ( böwed)سرادیپ گچمکچی.هرقوم وهر ملتینگ دیلی ومدنیتی ،اولارینگ بارلیغنی وارزشلی میراث لارنی غورشاپ آلیار و اولاری غوراماغینگ وبیگلتمگینگ اولی اهمیتی باردیر.” تورکمن دیلی سبیتینگ اینگ قدیمی وبای دیل لرنینگ بیری بولوپ وتورکمنینگ تاریخی ومدنیتی بیلن چونگور باغلانشیغی باردیر. یوئنه غینانساغام بوگون بو دیل افغانستاندا کان قینچیلیقلار وبه ودلر بیلر غاباتلاشیار وشونونگ اوچینم خاص انس برمک لیگه وچینلاقای چاره گوءرمک لیگه محتاج دیر”.” افغانستاندا تورکمن دیلی نینگ اساسی قینچیلیقلارنینگ بیری هم بیلیم وتربیه آلیش چشمه لرینگ آزلیغی دیر.کوءپلنچ مدرسه لر وبیلیم مرکزلری کتابلارینگ وسپق چشمه لرنینگ یتمزچیلیگینه دوچاربولانسونگ بو مسئله بیلیمینگ واوءرنمگنینگ هیلینه زیان یتیریار”.قمر رویا ایشچی اوءز اوادان غوشغوسیندا شیله دییار: تورکمن دیلیمیزی ومدنیتمیزی گلجک کی نسل لره گچیرمک اوچین بیزینگ بیلیم چشمه لرینه ودولت غولداولارینا احتیاجیمیز بار.اگرده بوحمایت وغولداولار بولماسا ،بیزینگ مدنی بارلیغمیزینگ اورتادان گیتمک خطری نینگ یوقاریلانماغی ممکین”.عبدالرحیم اوراز شاعر ، یازیجی وخبرچی هم آیدیار:” شیله هم،مدنی وادبی ایشلرینگ آزلیغی افغانستاندا تورکمن دیلی نینگ ینه بیرمهم قینچیلیغی دور.البته بیرامچیلیقلار،کنفرانسلاروادبی اوتورشیقلارتورکمن دیلینی رواچلاندیرماغا و ساقلاماغا اولی کمک ادیپ بیلر”.عبدالکریم آیدینگ تورکمنینگ آتلی شاعرلارنینگ بیری شیله روایت ادیار:” افعانستان دا یازیجیلار وشاعرلار هم مالی غولداولارینگ آزلیغی سبابلی اثرلرینی نشراتمک اوغروندا قینچیلیقلارا اوچراشیارلار. مونونگ اوءزی اولارینگ ارزشلی اثرلری عموم خلقینگ الینه یتیشمان وتورکمن مدنیتی غوی صورتدا تانادیلمیار”.عبدالحمید مرادی سیاسی ایشنگیرلرینگ بیری آیدیار:”مدنی وهنری واقالارینگ گچیریلمگی وخلقارا خذمتداشلیقلارینگ چکیلیپ آلینماغی افعانستاندا تورکمن دیلی نینگ ومدنیتی نینگ رواچلانماغینا وغوراپ ساقلانماغینا یاردام بره ر. بول ایشلر خلقینگ بو بای وارزشلی مدنیتی خاص کوءپراک تاناماغنا داکمک ادر”.”خلقارا انه دیل گونی مناسبتلی هممامیز انه دیل لرینگ غورانماغنینگ وگویچلنمگی نینگ اهمیتی نینگ بارلیغنا انس بره لینگ. هرقومینگ دیلی ومدنیتی، اولارینگ ارزشلی بارلیغی ومیراثی دیر واونی ساقلاماق اوچین جمعیت چیلیک خذمتداشلیق ضرور دیر.”. ” تورکمن دیلی وادبیاتی نینگ افغانستاندا دیری وهمیشه لیک غالماغی وایندیکی نسل لره تابشیریلماغی اوچین کوءپراک چالیشمالارا وغولداولارا بیل باغلاپ امیدگارچیلیک بیلدیریاریس”.
