یلدا گیجه سی؛ایراندا وترکیه ده تورکمنلرینگ مدنیتینی وداپ- دستورلارنی گوءرکزیان یلدا گیجه سی، ییلینگ اینگ اوزین گیجه سی تورکمنلرینگ آراسیندا ساده بایرامچیلیقدان یوقارراق بیر بیرام دیر.

یلدا گیجه سی؛ایراندا وترکیه ده تورکمنلرینگ مدنیتینی وداپ- دستورلارنی گوءرکزیان یلدا گیجه سی، ییلینگ اینگ اوزین گیجه سی تورکمنلرینگ آراسیندا ساده بایرامچیلیقدان یوقارراق بیر بیرام دیر. بوگیجه، ماشغالاباغلانشیقلارینی تازه لماگا ،قدیمی داپ- دستورلاری دیکلتماگا ومدنیتی تازه نسل لره گچیرماگا آمدلی بیرفورصت دیر. تورکمن لر تاریخ ومدنیت کوءک لرینی ایزارلیان بوگیجانی اوءزونه مخصوص داپلر بیلن دابارالاندیریارلار.”یلدا گیجه سی نینگ ینه بیر آیراتین نشانه سی، ساچاغی دورلی نعمتلاردان دولدورماقدیر. غارپیز سلامتلیق نشانی،نار برکتی گوءرکزیان وتورکمن باقلواسی وچورک یالی یرلی سویجی لیکلر بوسفرادا بولایمالی. غوری میوه لروآجیل هم بوگیجه اوچین اوءران اهمیتلی ذاتلاردیر.” تورکمن عیال لاری داپ- دستورا لایق گییملرنی والده دوقالان ذاتلاری گیمک بیلن بوگیجانینگ روحونی تازه لیارلر. اولاردرلی ایمیتلری لری تیارلاماقدان داشاری، اوء یلرینی کیچی حالیچه جیقلارا منگزش ویرلی گل دیکیلن ال صنعتلاری بیلن بزه یارلر.” یلدا گیجه سینده ماشغالایاش اولولاری کهنه تورکمن نقل لاری وحکایه لاری آیدیپ بریارلر و بو قصه لار اخلاقی پیام لاردان واپیکی داستانلاردان دولی بولوپ وتورکمنلرینگ اوءز تاریخ ومدنیتلرینه چونگور باغلانشیقلارنینگ بارلیغنی گوءرکزیان قصه لار دیر. شونگا منگزش مخدومقلی فراغی یالی شاعرلارینگ سوءیگی باراداقی وعارفانه شعرلاری اوقالیار.” بوییل ایران تو رکمنلری هم یلدا گیجه سینده اولی بیرامچیلیق توتدولار. گنبد کاووس دن باشلاپ بندر تورکمنه چنلی کوپ سانلی مدنی برنامه لار شو ساندا عادتی ساز وصحبتلر، یرلی ال صنعتلارنی گوءرکزمک لیک دوام اتدی.بودابارالار تورکمنینگ مدنیتینی بویله کی قوم لارا گوءرکزیپ بیلدی” ساز واواز هم یلدا ‌گیجه سینده تورکمنلرینگ آیریلماز دابینه اوءرولدی.دوتاردا ساز چالماق، قدیمی شعرلاردا آیدیم آیتماق لیق،بوگیجانی ماشغالالار اوچین یاتدان چیقماجاق واقعا اوگوردی”.شیله هم ،؟ تورکمن زنانلاری بوگیجانی تر‌کیه ده اولی دابارا بیلن غارشی آلدیلار. اولار تورکمنینگ درلی ایمیتلرنی تیارلاپ ماشغالا چارچوبه سینده اوءز مدنیتلرنی بویله کی بوسغون جمعیتی نینگ آراسیندا دیری ساقلادیلار. بول عیال لار یلدانینگ داپلرنی برجای اتمک وباشغالارا گوءرکزمک بیلن، داشاری یورتده مدنیت ایلچیسی دیکلرینی عیان اتدیلر”.یلدا گیجه سی بیزینگ اوچین دینگه بیر گیجه دال. بوگیجانینگ بیزینگ اوچین چونگگور معناسی بار، بیر یرا اویشماگا، قصه وحکایت آیدیشماغا وداپ- دستورلارمیزی ساقلاماق اوچینم آمدلی فرصت. بیز بودابی اوزاق یرلرده ده سقلایاریس.” یلدا گیجه سی دینگه یاش اولولارا دال ، بلکه چاغالار اوچینم یاتدان چیقماجاق بیر گیجه دیر.یرلی اویونلار اویناپ ماشغالانینگ یانیندا بولماق، بو گیجانی یاش نسل اوچین یاقیملی یاتلاما اوگوریار”.