هراتینگ یرلی جوغاپکارلری ایران بیلن اسرائیلینگ اوروشو نینگ دوام اتمگی سباپلی ایراندان نفت وگاز آلینماقلیق دوروزوادی دییار.شو سباپدنم نفت وگاز بهالاری هرات دا یوقا ری غالیپدیر.هراتینگ نفت وگاز ریاستی نینگ تاجرچیلیک باشلیغی صدیق الله منصور شیله دییار:”ایران واسرائیلینگ اورشی باشلانالی باری نفت ماده لار نینگ وسووقلاندیلان گازینگ گتیریلمگی نیمروز. لایتی نینگ چاگیندن، فراه نینگ۷۸ مجی میلیندن واسلام قلعه بندیندن گتیریلمگی دولیرصورتدا دوروزولدی. گونده لیک ایکی مونگ تکننا چنلی نفت اوگنوملرینی وسووقلاندیریلان گاز گتیریلیاردی، اما بوگون بو یاغدای دوروزولدی”.شیله هم هراتینگ کابیر یاشایجیلاری سووقلاندیرلان گاز بیلن ونفت اوءنوملرنینگ بهاسی نینگ یوزده اون باش ارتانلیغنی آیدیارلار.اولارحاضرکی اقتصادی قینچیلیقلاری گوءز اوءنگونده توتماق بیلن کوءپلنچ خلقینگ سووقلاندیریلان گاز ونفت اوءنوملرنی ساتین آلماغا یاغدایلارنینگ یوقلیغیندان خواتیرلانیارلار.هراتینگ یاشایجیسی جمشید عزیزی شیله دییار:”اوءنگلر بیرکیلوگرام سووقلاندیریلان گازی ۴۸ تا ۵۰ افعانا آلیاردیق ایندی بولسا بیرکیلو گازی ۶۳ و۶۵ افغاناآلمالی بولیاریس”.گاز ساتیان فیروز احمد امینی شیله دیدی:”اسرائیلینگ ایرانا هجوم ادنلیگی سباپلی چاکلر یاپیلدی ونفت اوءنوملرینگ وگازینگ بهاسی آرتدی”.هرات شهرینداکی تانک تیلینگ جوغاپکاری نوید احمدی:” بازاردا تیل آز بولانسونگ بهالار آرتدی” دییپ بلله یار.شیله هم هراتینگ سودا اوتاغی ومایه غویوملاری نفت اوءنوملرنینگ و سووقلاندیرلان گازینگ اورتا آسیا دولت لریندن گتیرمک لیک دوام ادیار دییپ وهرگون ۱۲۰۰ تن دان غو رراق بو اوءنوملر تو رغندی بندرینگ اوستی بیلن گتیریلیاردییپ بلله یار.اولارینگ آیتماغنا گوءرا سووقلاندیریلان گاز ونفت اونوملرنینگ اورتا آسیا دولت لریندن گتیریلمگی نینگ کوءپلمگی آیدیلیار.هراتینگ سودا اوتاغی ومایه غویوملارباشلیغی شیله دییار:”یانغیچ ماده لارنی گتیرمک واوپجون اتمک اوچین باشغا یول لار هم بار. تاجرلراورتا آسیا یولوندان حیرتان. آقینه وتورعندی بندر لرینگ اوستوندن گتیریارلر ووارداتینگ کوءپلمگی اوچین چیتراشیارلار. اگر ایران اسلام جمهوریتیندن قینچیلیغا دوچار بولساق یانغیچ ماده لارنی اوپجون اتمک اوچین بیله کی سرحدلاری سایلاپ بیلریس “.افعانستانینگ وارداتی نینگ اغلاباسی،شو ساندا نفت اوءنوملری وسووقلاندیریلان گاز ایراندان اوپجون ادیلیاردی . ایران بیلن اسراییل آراسینداقی اورشونگ دوام اتمگی بو مسئلا اربت تاثیر تاشلادی وگتیرمک مسئله لری قینلاشدیردی.
