افغانستان خلقی اوچین قینچیلیقلاردان دولی ممکینچیلیک لری سیرک بولان ۱۴۰۳ نجی هجری شمسی ییلی تماملاندی.

افغانستان خلقی اوچین قینچیلیقلاردان دولی ممکینچیلیک لری سیرک بولان ۱۴۰۳ نجی هجری شمسی ییلی تماملاندی.بو برنامه دا افغانستان تورکمن لر نینگ جمعیتچیلیک،مدنی وسیاسی یاغدایلارینا تاثیرلی بولان واقالارا ، گوءز آیلاپ گچیاریس.۱۴۰۳ نجی ییلدا، افغانستان تورکمن لری سیاسی پوداقدا اولی قینچیلیقلارا واربت غاراییشلارا دووش گلدیلر:۱-بولارینگ اینگ مهم گوءرنوشلرینگ بیری هم کابیر طالبلارینگ غو لداوینداقی کیشی لرینگ تاراپیندان درلی سبیتلرده تورکمنلرینگ یرلرینی زوردان آلماق و ایه لمک بولدی.۲- اندخو ی اولسوال لیغیندا توسساغ ادیشلیک لر ، غینامالارواوءلومه سزاوار اتمک لیک لر… آت لاری توتولسون.۳-جوزجان ولایتی نینگ تورکمنیه مردیانیندا وبلخ ولایتی نینگ کابیر سبیتلرینده تورکمن لرینگ قبرستانلیقلارینا زیان یتیرمک، ییقیپ یومورماق که البته بوواقالارینگ صورتلاری اوءنگ کوءپچولیگه یتیریلیپدی.۴- خلقه بولان درلی سیستماتیک باسغیلاردان نشانالار.۵- دولت ادارالاریندان چیقاریلماق و دمیر غازیق ولایتلاردا صیناغلارا غاتناشماقدان غایتارماقلیق مثال حکمونده میمنه شهرینداکی… صیناغ.۶- شوردپه، کلداراولسوال لیقلاریندا وبوءیله کی تورکمن اوتوریان سبیتلرینگ مکتب لرینده تورکمن دیلینده یازیلان کتابلارینگ اوقادیلمازلیغی بوجمعیتینگ چینلاقای آلادالارنینگ بیری حساب ادیلیار.مدنی اوغوردا قینچیلیقلارا غارامازدان تورکمنلر شیله هم اوءزمدنی بارلیقلارینی غوراپ ساقلاماغا چالیشدیلار. ایکینجی میزان تورکمن دیلی نینگ گونی فاریاب ولایتی نینگ اندخوی اولسوال لیغیندا مدنیت ایشگار لرینگ زحمتی بیلن غارشی آلیندی. شیله هم بییک مخدومقلی فراغی نینگ اوچ یوز ییلیغی اندخوی، مزارشریف و بوءیله کی سبیتلرده تورکمن لر ینگ ومدنیت سوءییانلرینگ تاراپیندان غارشی آلیندی. یازیجی لارینگ اثرلری چاپ بولماق اقبالینی تاپدی. بوواقالارینگ اهلیسی بو قومینگ دیلینه وبای ادبیاتینا اقرارلی لیغنی گوءرکزیان واقالاردیر .اندخوی دا ومزارشریف ده گچیریلن، بیرامچیلیقلارینگ ومدنی دابالارینگ صورتلاری هربیر تورکمنیگ یوره گینده امید و هوس دوءرتیان وباقی غالجاق ذاتلاردیر.غینانساغام جمعیتچیلیک اولغامدا،۱۴۰۳ نجی ییل، خلق اوچین ایشسیزلیگینگ دوام ادن واقتصادیتینگ غاوشان ییلی بولدی وبوسغونچیلیغینگ یایبانگ تولخونی کوءپیلنچ یاشلارمیزینگ علیحده دام اوقولی یاشلارمیزینگ بوسغون بولماقلارینا سباب بولدی. بویاشلارینگ کوءپوسی قانونسیز وخطردان دولی یول لاردان غونگشی دولت لره خاصام ایران وترکیه تاراپا گیتدیلر.شیله قانونسیز وخوفدان دولی یول لار اون لارچا یاشلارینگ اوءلومونه سباپ بولدی وبو مسئله بولسا کوءپ آدملارینگ یوره ک لرینی آغراتدی ودردلندیردی.۱۴۰۳ نجی ییل، اهلی عاجی لیقلاری وسویجولیکلری بیلن ، افغانستان تورکمنلرنینگ قینچیلیقلارنی وگوءرشلرنی یادلاتیان ییل بولدی.دینگه پایخاسلی لیق، خذمتداشلیق وبیرلشیک بو جمعیتینگ گله جک کی یولونی آیدینگلاپ بیلر. غوی،افغانستان خلقی اوچین تازه ییل ، تازه بختلی لیق، امید وآرزو لارینگ حاصل بولماق ییلی بولسون!