افغانستان – ترکیه دوستلوق غاتناشیغی نینگ ۱۰۴ ییل لیغی نینگ بللنمگیشو مناسبت بیلن قونیه شهری نینگ ( تارم وایمیت) یونیورسیتی نینگ کنفرانس زالیندا،استادلارینگ ، اوقوچیلارینگ، ترکیه وافغانستانینگ اوءنگکی پارلمان وکیلی لرنینگ، جمهوریتینگ اوءنگ کی ایلچی لری ووزیرلری وبیر توپار ایلاتینگ غاتناشماغی بیلن، دابارالی ییغناق گچیریلدی.سوءزلیجی لر افغانستان – ترکیه تاریخی دوستلوغی نینگ غیمماتلاری بارادا دوروپ گچمک بیلن ایکی یوردونگ خلقلارنینگ آراسینداقی دوستلوقلی غاتناشیقلارنینگ بر که مگنی نیغتادیلار. بو دابارادا بییک افغانستان تورکمنلرنینگ وکیل چیلیگینده دیپلومات وافغانستانینگ قرغزستانداقی اوءنگکی ایلچی سی جناب محمد عیسی مصباح ایکی یوردونگ مدنی بیرلیک لری ،دیل ومدنیتی نینگ اوزاق تاریخی بارادا آچیقلاما بریپ ، ادیلن کمک ویارداملار دان ،ترک مهندسلری تاراپیندان کابلده غورولان بیرینجی شفاخانه،افغان یاش افسرلرنینگ ترکیانینگ حربی یونیورسیتی لرینده بیلیم وتربیه آلیشینی، علیحده دام گچن یگریمی ییلینگ دوامیندا غیز واوغلاندان عبارت بولان افغانستان یاشلارنی ترکیانینگ ی ونیورسینی لرینه قبول اتمکده،افعان- ترک مکتبلرینگ دوءره دیلمگینده،یول وکوءپری غورلوشیقلارینگ غورولماغیندا ترکیانینگ ادن کمک لرنی قدردانلیق بیلن یادلاپ ویوزلرچه افغانستان رعیتلارنینگ بیرلشن ( انگلیس وفرانسه )غارشی سیندا چاناق قلعه اورشونا غاتناشیپ شهید بولاندیقلاری بارادا همده یوردونگ درلی کنجک لرینده چادرلار غورولیپ اوچ مونگ آلتین سکه افغانستانلی عیال لارینگ ادن کمک لرنینگ اوستونده دوروپ گچمک بیلن ، اونی ایکی بییک خلقینگ دوستلوغی نینگ بنیادی دییپ بللاپ قوتیانینگ تارم وایمیتچ یونیورسیتی نینگ موندان بیلاگم افغانستان یاشلارنی علیحده دام کوپراک غیزلاری قبول اتمگینی خواهش اتدی.ییغناق کنسرت برمک و افغانستانینگ مدنی اثرلرنی گوءرکزمک بیلن تمام بولدی.ییغناغینگ سونگوندا بیرناچه بیلیمدارلار وگوءزلگچیلر لاجورد یولی گوءزلگ مرکزی تاراپیندان منتدارلیق لوحلاربیلن سیلاغلاندیلار.
