افغانستاندا تورکمن و اوزبیک دیللرنینگ رسمیت تاپانینینگ ییگیرمی یللیغی، دوست-دوغانلیق تورکیه اولکه‌سینینگ پایتختی انقره شهرینده، بو دیللرده سؤزله‌یجیلرینگ غاتناشماغی بیلن اولی بیر ییغناق آرقالی بلله‌نیپ گچیلدی.بو ییغناق، شنبه گۆنی، 13-ینجی جنوری، تورکیه اولکه‌سینینگ پایتختی بولان انقره شهرینده اورتا غویولیپ، تورکیه‌ده یاشایون تورکمن و اوزبیک خلقی‌نینگ دیلچی عالملار، تانیقلی شخصیتلر و خلق ایشنگیرلرنینگ غاتناشماغی بیلن غوتاردی.بو ییغناقدا، دیلچی عالملار و علمی شخصیتلر آنلاین و حضوری یاغدایدا غاتناشیپ، انه دیلینگ اهمیتی، انه دیلیمیزی غوریپ ساقلاماق و اونونگ یولونداقی غینچیلیقلار و تورکمن و اوزبیک دیللرنی اؤسدۆرمه‌گینگ یوللاری حقیندا صحبت ادیلدی.و شونونگ یالی، ییغناغینگ بیر یانیندا نقاشلیق، صورتکشلیک و صورت هنأرلری؛ ال صنعتلاریندان پارچالار و ملی اییمیتلر، غاتناشیجیلار اوچین سرگأ غویولدی.موندان ییگیرمی ییل اؤنگ، افغانستاندا تأزه اساسی قانون قبول ادیلدی و شول قانوندا پشتو و دری دیللری رسمی دیل سایلانیپ، ینه شول ساندان تورکمن و اوزبیک دیللری، بو دیللرده گپله‌نیلیون سبیتلرده رسمی دیل حؤکمۆنده سایلانیپدی.
