تورکیه، اؤزونی دولی غوریپ بیلمک اوچین «پولات کوممه‌ز» سیستمینی غوریور.تورکیه‌نینگ غورانیش صناعتی‌نینگ یرینه یتیریجی کمیته‌سی‌نینگ مجلیسینده «پولات کۆممه‌ز» تاسلاماسی‌نینگ جیکمه-جیکلری آرا آلنیپ مصلحت‌لاشیلدی و تصدیقلاندی.بو سیستم، اساسان، تورکیه‌نینگ آسمانی‌نینگ أهلی طرف‌لارینی اؤز ایچینه آلیون خوفسیزلیق سایاوانی بولار.بو غاتلاقلی سیستمده اساسی مقصد، غاتی پسلیکدن باشلاپ، هواداقی اینگ یوقاری خوف‌لارا غارشی گؤره‌شمک بولار، تورکیه‌نینگ بو «پولات کۆممه‌ز» سیستمی، خود شو مقصد بیلن عمله آشیریلیور.بو سیستمی‌نگ یول نقشه یا قارتاسی‌نینگ اینگ یؤنه‌کی نسخه‌سی: نشانی بیلمک، نشانی کسگیتله‌مک، گؤنۆکدیرمک، قرار برمک و آخیریندا نشانی یوق اتمک… بولوپ دوریوندیر.بو سیستمی‌نگ اساسی رولی، «آسلسان» بؤلۆمینه دگیشلیدیر. اصلیندا بو سیستمی‌نگ ایچیندأکی اولغاملارینگ کؤپۆسی انجینرلر طرفیندان یؤریته دؤره‌دیلن پلاتفورملاردیر.بو سیستمده، هوا غوراغ اولغامی، غاتی غیسغا آرالیق، غیسغا آرالیق، اورتا آرالیق و اوزاق آرالیق حؤکمۆنده 4 غاتلاغا بؤلۆنیور.غاتی غیسغا آرالیقدان دؤرأپ بیلجک خوفلار اۆچین، ایلکینجی دیواردا، 10 کیلومتر اوزاقلیغی و 5 کیلومتر بلندلیگی اوروپ بیلجک دۆرلی اولغاملار بار.بو آرالیقدا اولانیلجاق سیستملر: آسلسان امضالی قورقوت، گؤکبرک، شاهین، گؤکر، اخطار و سونگور… اولغاملاریدیر.5 کیلومتردن، 10 کیلومتره چنلی بلندلیکدن دؤرأپ بیلجک خوفلار اۆچین: هریککس، جه-رام، حصار ا+، گؤکدمیر و گۆرز سیستملری باردیر.
