ایران، عراق، سوریه و پاکیستانینگ چأگینه هوا-دان هجوم عمله آشیردی.ایران خبر بریش سریشده‌لرنینگ آیدیشلارینا گؤرأ، دوشنبه گیجه‌سی، ایرانینگ «سپاه‌پاسداران» آتلی یاراغلی گۆیچلری، عراق‌نینگ اربیل سبیتینده سکیز یر و سوریه‌نینگ ادلب شهرینده هم بیر نأچه یرلره، هوا آرقالی هجوم اتدی.«سپاه‌پاسداران»ینگ معلومات بریشینه گؤرأ، بو هجوملرده ایرانا غارشی یاراغلی توپارلار، عراق-ینگ کردستانینداقی اسرائیل «موساد» جاسوسلارینینگ مرکزی و سوریه‌داقی داعش اعضالاری هدف آستینا آلینیپدیر.و اوندان سونگ، پاکستانینگ چأگینده جیش‌العدل یاراغلی توپارنینگ ایکی سانی مهم مرکزینه هم راکتا (موشک) بیلن هجوم اتدی.پاکستانینگ داشاری ایشلر وزیری، ایرانینگ پاکستانینگ هوا چأگینی پوزاندیغینی و بو هجومینگ «چینلاقای نتیجه‌لره» سبأپ بولوپ بیلجکلیگینی و «قبول ادرلیکسیز» بولانلیغینی آیتدی.جیش‌العدل آدی بیلن تانیلیون بو توپار، موندان اؤنگ ایرانینگ خوفسیزلیق گویچلرینه پاکستان بیلن سرحد یاقاسیندا هجوم ادیپ‌تی.پاکستانینگ داشاری ایشلر وزیرلیگی، بیر بیانیه چیقارماق بیلن، ایرانینگ هوا تایدان عمله آشیران هجوملرینی «دلیلسیز هوا چأکلرینی پوزماق» حساب اتدی و بو هجوملرینگ نتیجه‌سینده ایکی چاغانینگ اؤلۆپ و اۆچ چاغانینگ یارالانانلیغینی آیتدی.و بو هجوملر سبأپلی، پاکستانینگ داشاری ایشلر وزیرلیگی، ایرانینگ اسلام‌آبادداقی ایلچیسینی حضورینه چاغیردی.
