۲۰۲۴ نجی ییلدا ایلاتینگ اوستونه غریبلیق وایشسیزلیگینگ باسغینی۲۰۲۴ نجی ییلدا یورتدا هرتویسلی تاسلامالارینگ اوغروقدیریلاندیغنا غارامازدان ایشسیزلیک وغریبلیق چوءزولمدیک قینچیلیق حکمونده گوءزه ایلیار. موندان باشغادا اوغانستان اوچین جهانینگ اقتصادی تحریم لارنینگ(بوءدلرنینگ) آیریلمانلیغی وانسانپرور کمک لرینگ کملمگی ، یوردونگ اقتصادی قینچیلیقلارینی کوءپلدیپدیر.غریبلیق وبیکارلیک، توزغینچیلیق و سیلا منگزش طبیعی آفت لرهم بو ییلدا اقتصادیت اوغروندا اساسی قینچیلیق حساب ادیلیار.خصوصی سکتورداقی جوغاپکارلرینگ آیتماغنا گوءرا، پول گچیرمک اوغرونداقی بانک لرینگ چاکلندیرمه لری واوغانستانینگ بایلیقلارنینگ دونگدیریلیپ غالماغی هم اوغانستانینگ تاجرچیلیگینده وصونغاتیندا ۲۰۲۴ نجی ییلینگ دوامیندا غریبلیق وبیکارلیگینگ غاپدالیندا مهم قینچیلیق بولانلیغی آیدیلیار.سودا اوتاغی ومایه غویوملارینگ سوءزچیسی جان آقا نوید شیله دییار:”بیزسیاستی اقتصاد دان آیری توتماغی تکلیب ادیاریس. اوغانستان تاجرلرینی وخصوصی سکتورینی ارکینلیک بیلن اوءز تاجرچیلیک واقتصادیتی بیلن مشغول لانماغا غویالینگ”.بیرلشن ملتلرینگ درلی بوئلوملری شوساندا بیرلشن ملتلر غوراماسی نینگ کمک لری اوتغاشدیریجی دفتری یا (اوچا) اوغانستان اوچین یاردام بودجیتینگ بو ییلدا آزالانلیغیندان خواتیرلاندی. اوچا بوییلدا بیرلشن ملتلر تاراپیندان ادیلن کمک لری ساناپ واینگ سونگقی خبریندا ۲۰۲۵ نجی ییلدا اوغانستاندا ۱۶،۸ میلیون کیشا ۲۰۴۲میلیارد دالرینگ کمک ادیلملی دیگیندن سوءز آچدی .بیرلشن ملتلر غوراماسی نینگ کمک لری اوتغاشدیریجی دفتری نینگ باشلیغی ایزابل موسارد کارلسن طلوع نیوز بیلن آیراتین بیر صحبتدشلیکده آیدیپدی:” کمکلر اوچین کرکلی بودجیتینگ یوزده ۳۱- ۳۲ موچبری نینگ کمک ادیجیلر تاراپیندان اوپجون ادیلندیگنی شوییلینگ نوامبر آیینا چنلی آیدیپ بیلریس، یعنی کرکلی بودجیتینگ کوءپ اسسه سی اوپجون ادیلن دال” شو ترتیبده ، دنیا بانکی هم ۲۰۲۴ نجی ییلینگ اینگ سونگقی آیینداایزلی ایزینا برن ایکی خبریندا، اوغانستانینگ اقتصادی یاغدایینی گوءزدن گچیردی.دنیا بانکی اوغانستانینگ اقتصادیتی اورتا اوءسوشلرینگ نشانه لار نی بریار دییپ بلله یار؛شیله هم مالی چاکلندیرمه لر، تاجرچیلیک دنگسیزلیگی ومایه غویملار اوچین چاکلندیریلن ممکینچیلیکلر، بویورتده اساسی قینچیلیق حساب ادیلیار.دنیا بانکی۲۰۲۴ نجی ییلینگ اینگ سونگقی خبریندا اوغانستاندا ایمیت خوفسیزلیغی نینگ چینلاقای یتمزچیلیگی بارادا سوز آچیپ دویدیریش بردی. بوبانک یوردونگ یوزده ۲۵ جمعیتینی غورشایان اوغانستان رعیتلارنینگ اون بیر اعشاریه آلتی میلیون توءه رکی ایمیت یتمزچیلیگینه دوچار دییپ بلله دی.اقتصادیت وزیرلیگی نینگ سوءزچیسی عبدالرحمن حبیب یوردونگ ایمیت خوفسیزلیغی بارادا شیله دییار:” ایمیت خوفسیزلیغی بیلن گوءراشمک جهان جمعیتی نینگ توپلام چمه لشمسی وغوشاندی بیلن باغلی بولوپ،اقتصادی سانکسیالارینگ آیریلماغی وجهان جمعیتی نینگ ماشغالا اقتصادیتینی گویچلندیریان اوءسوش برنامه لاری غولداماغی، ایمیت خوفسیزلیغی بیلن گوءراشمکده کان تاثیرلی بولجاغنی بلله یار”.بیلرمنلرینگ بولارینگ هممه سینه انس برمگی بیلن،اوغانستانینگ اقتصادیتی نینگ درلی اوغورلاری نینگ هنارمنلیگی غریبلیغینگ وبیکارلیگینگ آزالماغی اوغروندا مهم حساب ادیارلار وشیله هم گوءگچی حکومتینگ خلقارا بوءلوملر ودنیانینگ اهلی یورتلری بیلن اهلی اوغورلاردا خذمتداشلیغی وغاتناشیقلاری یایبانگلاندیرماغی بارادا نیغتایارلار.بویاغدای شیله بیر زماندا دیرکه غوراقچیلیق ویران ادیجی سیلا منگزش هوانینگ اویتگه مگی بیلن اورتا گلیان واقالارهم اوغانستاندا غریبلیغینگ وبیکارلیگینگ وایمیت خو فسیز لیغی نینگ کوءپلمگینه سباپ بولیان ذاتلار حساب ادیلیار.شو ترتیبده، ایمیت باراداقی جهان برنامه سی اینگ سونگقی خبریندا اوغانستان جمعیتی نینگ اوچدن بیری سی نینگ انسانپرور خذمتلارا محتاجلیغنی ، اما اولاردینگه آلتی میلیون کیشا کمک ادیپ بیلیانلیگنی بلله یار.
