فاریاب ولایتیندا بولان غوراقچیلیق، بو سبیتینگ اکین لرینه ومالدارچیلیغینا اربت تاثیر تاشلاپدیر.یایران خبرلار اساسیندا،عمومان دیمه حاصل لاری ویوزده اللی گوءتریم سواریلیان اکین لر بو ولایتدا آرادان چیقیپدیر. بویاغدای دایخان لاری ومالدارلاری قین دوروما گتیریپ واولار حکومتدان وخلقارا غورامالاردان هرنا چالتلیقدا یاردام اتمک لرینی ایسلیارلر.لولاش اولسواللیغی نینگ دایخانلارنینگ بیری محمد معروف نیکزاد،غوران اکینلرینه سر ادیپ بوییلینگ دوامیندا غار ویاغین یاغمان واهلی اکینلرینگ غورانلیغنی عیان ادیار.۱۵۰ سیر بوغدای و۱۰۰ سیری آرپا اکن حوض ماران اوباسی نینگ یاشایجیسی احمد، هم اهلی اکین لرنینگ گوءگر مان لیگنی وهیچ هیلی امید اکین اوچین غالمانلیغنی نیغتایار.ینه بیر تاراپدان مالدارلارینگام چینلاقای قینچیلیقلارا دوچار بولانلیغی آیدیلیار.حاجی محمد امین کوهستان اولسواللیغنینگ مالدارلارنینگ بیری، سونگقی ۵۰ ییلدا شیله غوراقچیلیغینگ بولمانلیغنی بلله یار، کمک یتیرلمدیک یاغدایدا کوءپلنچ مال لارینگ یوغالیپ یادا ارزان بهادان ساتمالی بولجاغنی آیدیار.بندر ولولاش اولسوال لیقلارنینگ کابیر یاش اولولاری ودایخانلاری کمک ایسلاپ میمنه، شهرینه گلیپدیرلر. سبیتینگ یاش اولولارنینگ بیری غلام جیلانی کوهستانی، کوهستاناتینگ یوزده توغسان ایلاتی اکین‌چیلیک ومالدارلیق بیلن مشغول لانیار، یوءنه شووقت گوءرو لوپ اشدیلمدیک قینچیلیقلارا دوچار بولوپدیرلار دییار.اگر حکومت وخلقارا غورامالار چالتلیقدا کمک اتمسه لر، خلقیمیز باشغا یورتلره یا- دا اوءزگه ولایتلارا آواره وسرگردان بولارلاردییپ بلله یار.غوراقچیلیق فاریاب دا، دینگه یرلی اقتصادیته تاثیر اتمان ، ایسم مونگ لرچه ماشعالانینگ ایمیت واکلنچ خوفسیزلیغنی غورقا سالیار.بوولایتینگ دایخانلاری ومالدارلاری بو قینچیلیقلاردان گچمک اوچین حکومت وخلقارا غورامالار تاراپیندان چالتلیقدا کمک ادیلمگینی ایسله یارلر.
