افغانستانینگ دوزونی فاریابینگ اندخوی دوز کانیندن غازیپ آلماقدا تازه موسمینگ باشلانماغیتاثیرلی اقتصادی اوءزگریشده،افغانستانینگ اینگ اولی دوز کان لرنینگ بیری بولان فاریاب ولایتی نینگ اندخوی اولسوال لیغیندا یرلشیان کان رسمی یاغدایدا غازیپ آلماق وپیدالانماق تاپغیریناگیردی. دوز احتیاچلیق اوقیبی تایدان یوردونگ دمیرغازیغیندا اینگ اولی طبیعی چشمه لرینگ بیری حساپلانیان بوکان،بیرناچه ییل لاپ دورغونلیقدان سونگ، حاضر رسمی یاغدایدابیر خصوصی شرکته تابشیرلیپدیر.بوتاسلامانینگ شرطنامه سی ۲۵ میلیون امریکان دالر موچبرینده افغانستانینگ معدنلر وپترولیم وزیرلیگی بیلن ایچرداکی بیرخصوصی شرکت آراسیندا غول چکیلیپدیر. بوشرطنامانینگ موهلتی ۱۵ ییل بلله نیپ سبیتده دوزی غازیپ آلماق،غایتادان ایشلمک واوءنومچیلیک زنجیرینی اوءسدورمکدن عبارتدیر.رسمی چشمه لرینگ آیتماقلارینا گوءرا ،شرطنامه باغلاشان شرکت ،خلقارا اولنگه لرینه لایقلیقدا ، دوزی غازیپ آلماقدا وغاپلاماقدا،اوءسن تکنالوژی دان پیدالانجاقدیغینی بوینونا آلیپدیر.شیله هم بو شرکت شرطنامانینگ موهلتی بویونچا، دگیشلی اداره لارا آچ -آچان مالیه، داشقی غورشاو وتخنیکی حسابتلاری برمک اوچین جوغاپکار دیر.بوتاسلامانینگ گوءرنوکلی تاراپلارنینگ بیری هم یرلی ایش اوپجونچیلیکده اونونگ اورنی دیر. بو کانده غازیپ آلماق وغورلوشیق ایشلرینگ باشلانماغی بیلن، شو وقته چنلی بیر مونگ توه رگی بوسبیتینگ یاشایجیلاری اوچین ایش ممکینکچیلیگ لری دوءراپدیر؛ گلجک کی اوءسوش بیلن گوءرکزیجی نینگ ایکی مونگه یتمگینه غاراشیلیار.بوتاسلامادا گوءنی وغیتاقلایین ایشه مشغول بولماقلیق دینگه اندخوی اولسوال لیغیندا ایشسیز لیک درجه سی نینگ پسلمگینه سباپ بولمان، ایسم یرلی بازارلارینگ ، یوک داشاماق خدمتلارینگ ودوزا باغلی صنعتلارینگ اوءسمگینه ایترگی برر. شونگا منگزش ، اقتصادی تایدان هم بو تاسلاما افغانستانینگ دمیر غازیغیندا مایه غویوملارینگ اوءرولشیگینه اونگایلی تاثیر تاشلاپ بیلر. جیولوژیکی گوءرکزمه لرینگ آچیقلاماسینا لایقلیقدا اندخویینگ دوز کانی نینگ ییلدا مونگ لرچه تن طبیعی دوزی غازیپ آلماغا قواتی یتیار. بودوزینگ هیلی بییک بولوپ ایمیت،درمان وبوءیله کی صنعتلاردا اوندان پیدالانماق ممکین. کانینگ ایچینده غایتادان ایشلیان کارخانه لار انجاملاشدیریلان یاغدایدا ، اوءندوریلن دوزینگ غونگشی دولتلره چیقاریلماغی هم گون ترتیبینه گیریزیلدی.خصوصی شرکتینگ جوغاپکارلرنینگ آیتماقلارینا گوءرا ، بیرینجی آردیمدا غازیلیپ آلینان دوز تاجرچیلیک غاپلامالاردا ایچکی بازارلارا ایبریلملی وایکینجی تاپغیردا بولسا ،دوره باب بجه ریش وغاپلاییش دستگاه لارینگ دوءره دیلمگی بیلن اورتا آسیا وگونرته آسیا یورتلرینه چیقاریلیپ باشلار.بوکانی ایشه تاشلاماق، دینگه افغانستانداقی مینرال لارینگ ئاگیرت اولی موءچبری نینگ بیرمثالی دیر. اقتصادی ایش بیلر لر اگرده یوردونگ طبیعی بایلیقلاری آچ- آچان ،پرنسیپیال وهنار تایدان گوءزگچیلیک ادیلیپ پیدالانان یاغدایدا، افغانستان اینگ یقین گله جکده معدنلر ینگ گیرده جیلری ارقالی اقتصادی تایدان اوءز اوءزونی اوپجون ادیپ بیلر.اقتصادی پیدالارینگ غاپدالیندا،داشقی غورشاو مسئله لرینی وجمعیتچیلیک جوغاپکارلیک لربیلن عیلالاشماق ، شرکت لر اوچین آیراتین اهمیته ایه دیر. معدنلر وزیرلیگی نینگ رسمی لری نینگ نیغتاماغنا گوءرا معدنلرینگ اهلی تاسلامالاری،دورنوقلی اوءسوش یوءرلگه لری،داشقی غورشاوی غوراماق ویرلی جمعیتینگ غاتناشماغنی گوءز اوءنگونده توتوپ ایش آلیپ بارمالی دیرلار.فاریابینگ اندخوی کانی نینگ دوزی نینگ غازیپ آلینماغی نینگ رسمی یاغدایدا [باشلانماغی،دینگه بیر اولی اقتصادی تاسلامانینگ خبری بولمان، ایسم سبیت یاشایجیلارینا،اقتصادی اکتویستلره وحتی سیاستچیلار اوچینم امید بوشلاغچیسی دیر.بو تاسلاما ، دوغری میلنامه لاشدیرماق و آچ- آچان دولاندیریش ومقصد لایین مایه غویوملارینگ اوستی بیلن یوردونگ طبیعی بایلیقلارینی دورنوقلی اوءسوشه وجمعیت چیلیک ابادانچیلیغنا خذمت ادریالی اولانیپ بولار دییپ گوءرکزیار.
